Somali hukumati O‘zbekistonga ilk marta o‘z elchisini jo‘natdi
Somali Federativ Respublikasining O‘zbekiston Respublikasidagi birinchi elchisi tayinlandi. Bu haqda O‘zbekiston Respublikasi Tashqi ishlar vaziri Baxtiyor Saidov o‘zining Telegram kanalida ma’lum qildi.
TIV rahbarining yozishicha, bugun, 27-noyabr kuni Fatxudin Ali Mohamed Somalining O‘zbekistondagi birinchi elchisi sifatida ishonch yorliqlarini topshirgan.
«Elchining muhim diplomatik missiyasida ulkan muvaffaqiyatlar tilaymiz hamda samarali va natijaga yo‘naltirilgan hamkorlikni birgalikda rivojlantiramiz», – deydi Baxtiyor Saidov.
Qayd etilishicha, tadbir davomida ikki mamlakat o‘rtasidagi ko‘plab istiqbolli yo‘nalishlarda o‘zaro manfaatli hamkorlikni yanada mustahkamlashga sodiqlik bildirilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter