Buyuk Britaniya mudofaa vaziri Jon Xili agar u biron bir dunyo yetakchisini qo‘lga olish vakolatiga ega bo‘lsa, Rossiya prezidenti Vladimir Putinni hibsga olishini aytdi. U o‘z fikrlarini Kyiv Independent gazetasi bilan o‘rtoqlashdi.

Vazirga ko‘ra, Putin Ukrainadagi harbiy jinoyatlarda katta aybdor,Jon ayniqsa Buchadagi vaziyatdan dahshatga tushgan. 

2023-yilda Xalqaro Jinoyat Sudi (XJS) Putin va Rossiya Bolalar Ombudsmani Mariya Lvova-Belovani 2022-yil 24-fevraldan boshlab Ukrainaning bosib olingan hududlaridan bolalarni noqonuniy ravishda Rossiyaga deportatsiya qilishda gumon qilinib, hibsga olish uchun order chiqardi. Rossiya Tergov Qo‘mitasi Putinning jinoiy javobgarlikka tortilishi noqonuniy ekanligini va uni javobgarlikka tortish uchun hech qanday asos yo‘qligini ta’kidladi.

Kreml sud qarorini qonuniy ravishda bekor deb topdi, chunki Moskva XJS yurisdiksiyasida emas.

3-yanvar kuni Qo‘shma Shtatlar Venesuela poytaxti Karakasni nishonga olgan va prezident Nikolas Maduro va uning rafiqasini Amerika maxsus kuchlari tomonidan qo‘lga olgan operatsiyani boshladi. Qo‘shma Shtatlar Venesuela yetakchisini giyohvand moddalar savdogarlari bilan hamkorlik qilishda aybladi va u AQSh sudida sudga tortildi. Rossiya AQShning aralashuvini qoraladi.

AQSh prezidenti Donald Tramp ilgari Ukrainadagi davom etayotgan jangovar harakatlar tufayli Putindan ko‘ngli qolganini bildirgan edi. Shunga qaramay, respublikachi Rossiya va Ukraina o‘rtasida tinchlikka erishishga ishonadi. Maduroga qarshi amalga oshirilgan operatsiya Putinga nisabatan qo‘llasa bo‘ladimi, degan savolga Tramp: "Menimcha, bu shart emas", deb javob berdi.