Fransiya va Buyuk Britaniya Ukrainaga 15 000 tagacha askar yuborishni rejalashtirmoqda, deb xabar beradi The Times manbalarga asoslanib.

Fransiya va Britaniya qo‘shinlarining asosiy vazifalari jihozlarga texnik xizmat ko‘rsatish, Ukraina Qurolli Kuchlari uchun mashg‘ulotlar o‘tkazish va mudofaa infratuzilmasini qurishdan iborat bo‘ladi. 

Gazeta xabariga ko‘ra, Buyuk Britaniya Ukrainaga tinchlikparvar kuchlarning kutilgan sonining yarmidan kamini (taxminan 7500) ta’minlaydi. The Times manbalarining fikricha, 15 000 askar haqidagi ko‘rsatkich ikkala mamlakat uchun ham optimistik ko‘rinadi. 

6 yanvar kuni Fransiya Prezidenti Emmanuel Makron Britaniya va Ukraina yetakchilari Kir Starmer va Vladimir Zelenskiy bilan birgalikda harbiy harakatlar tugaganidan keyin Ukrainaga ikki mamlakatdan qo‘shinlarni joylashtirish to‘g‘risidagi deklaratsiyani imzoladilar.

Hujjat endi milliy parlamentlarda ovoz berishni kutmoqda. O‘sha kuni kechqurun Kir Starmer Ukraina bo‘ylab Fransiya va Britaniya harbiy bazalarini qurish imkoniyati haqida gapirdi.

Biroq mazkur tashabbus Rossiya tomonidan keskin kutib olindi. TIV vakili Mariya Zaxarova ushbu qo‘shinlar rus armiyasining qonuniy nishoni bo‘lishi haqida gapirdi.