Трамп: Венесуэланинг муваққат ҳукумати АҚШга 30-50 миллион баррел нефт беради
АҚШ президенти Доналд Трамп Венесуэланинг муваққат ҳукумати АҚШга 30-50 миллион баррел нефт беришини айтди.
«Мамнуният билан шуни маълум қиламанки, Венесуэланинг муваққат ҳукумати АҚШга санкция остидаги 30 миллиондан 50 миллион баррелгача юқори сифатли нефтини беради», — деб ёзди Трамп Truth Social ижтимоий тармоғида.
«Мен энергетика вазири Крис Райтга зудлик билан ушбу режани амалга оширишга киришишни топширдим», — деб қўшимча қилди АҚШ президенти.
Таъкидланишича, нефт танкерларга юкланиб, тўппа-тўғри АҚШдаги тушириш терминалларига етказилади.
«Бу нефт бозор нархида сотилади, пуллар Венесуэла ва Қўшма Штатлар халқлари манфаати учун ишлатилишини таъминлаш учун АҚШ президенти — менинг назоратимда бўлади», — деб ёзди у.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter