Зеленский Рамзан Қодировни қўлга олиш ҳақида гапирди
Украина президенти Владимир Зеленский Қўшма Штатларни Чеченистонга десант ташлаб, Рамзан Қодировни қўлга олишга чақирди. Бу худди Вашингтон Венесуэла етакчиси Николас Мадуро ушлагандай бўлиши лозим, дея хабар беради РБК-Украина.
Зеленский АҚШ Россияга босим ўтказиши кераклигини айтди. У АҚШнинг Венесуэладаги операциясини мисол қилиб келтирди, унда Мадуро қўлга олиниб, мамлакатдан олиб чиқилганди. Украина раҳбарининг сўзларига кўра, бутун дунё бу операция натижаларини кўрди.
«Улар буни тезда амалга оширдилар. Хўш, улар Қодиров билан ҳам қандайдир операция ўтказишсин», деб қўшимча қилди Зеленский ва Қўшма Штатларнинг бундай ҳаракати Россия президенти Владимир Путинга босим бўлишини таъкидлади.
Аввалроқ Украина президенти Венесуэладаги воқеалар ҳақида фикр билдирган эди.«Қўшма Штатлар бундан кейин диктаторларни нима қилишни билади», деди Зеленский.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter