Ўзбекистонга икки ойда 900 мингдан ортиқ телефон импорт қилинди
Ўзбекистонга 2026 йилнинг январ–феврал ойларида 13 та хорижий давлатдан жами 909 951 дона қурилма олиб кирилган, дея хабар берди Миллий статистика қўмитаси.
Қайд этилишича, ушбу импортнинг умумий қиймати 175,4 миллион АҚШ долларини ташкил этган. Импорт ҳажми 2025 йилнинг шу даврига нисбатан 357,4 минг донага ёки 64,7 фоизга ошган.
Жумладан, импорт таркибида асосий улушни Хитой эгалламоқда. Ушбу давлатдан 704 353 дона мобил телефон олиб кирилган. Шунингдек, Ветнамдан 183 996 дона, Ҳиндистондан 12 572 дона қурилма импорт қилинган.
Корея Республикаси 4 924 дона, Қирғиз Республикаси 1 923 дона, Индонезия эса 1 582 дона телефон етказиб берган. Қолган 601 дона қурилма бошқа давлатлар ҳиссасига тўғри келади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter