Қирғизистонда солиқ органлари 2024 йил учун давлат ва муниципал хизматчиларнинг даромадлари тўғрисидаги декларацияларни эълон қилди. Шундан сўнг мамлакат президенти Садир Жапаровнинг ҳам қанча даромад олгани маълум бўлди.

Маълумотларга кўра, Давлат солиқ хизмати томонидан эълон қилинган декларацияларда президент Садир Жапаровнинг 2024 йилдаги даромади 2,2 миллион сом (305 млн сўмдан кўпроқ)ни ташкил этган.

Нашрда таъкидланишича, президентга 2,6 минг квадрат метр майдонга эга бизнес-марказ, Иссиқкўл вилоятининг Тўп туманида жойлашган 63 сотих қишлоқ хўжалиги ерлари ҳамда 21 сотих ер участкаси тегишли. Ҳаракатланувчи мулк сифатида эса унга 100 минг сом (тахминан 14 млн сўм) баҳоланган «Жигули» автомобили қайд этилган.

Шу билан бирга, декларацияда 1,1 миллиард сом (151,1 миллиард сўм) «пулларни қонунийлаштириш» сифатида кўрсатилган. Бу оддий қилиб айтганда — аввал расмий ҳисобларда кўрсатилмаган пулларини кейин қонунийлаштириб, расмийлаштириш демак.

Президентнинг яқин қариндошларининг даромадлари эса 29,7 миллион сомни (173,6 миллион тенгедан ортиқ) ташкил этган.