Хитойда жарроҳлар ноодатий амалиётга қўл уришди
Хитойнинг Шаньдун провинциясида жарроҳлар беморнинг қулоғини сақлаб қолиш мақсадида нозик, шу билан бирга ғайриоддий амалиёт ўтказишди.
Хабар қилинишича, беморнинг қулоғи ташқи таъсир натижасида узилиб тушган. Шифокорлар эса қулоқ тўқималарини нобуд бўлмаслиги учун уни беморнинг оёқларига кўчириб ўтказган.
Жиддий шикастланиш туфайли стандарт трансплантация имконсиз бўлган ва шунинг учун шифокорлар оёқни «тирик инкубатор» сифатида ишлатишди.
Қон оқими тиклангандан сўнг, қулоқ муваффақиятли қайта ўрнатилди ва операция аъло даражада ўтган.
Айни пайтда бемор касалхонадан чиқарилди ва бу ҳолат замонавий жарроҳликдаги энг ноодатий органларни тиклаш амалиётларидан бири сифатида кўрилмоқда.
Тиббиёт яна бир бор имконсиз нарсанинг мумкин эканлигини исботлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter