АҚШ–Эрон ўртасида эҳтимолий икки ҳафталик сулҳ ҳақидаги хабарлар нефть нархининг кескин тушишига олиб келди.

8 апрель ҳолатига кўра, Brent нефти нархи бир кунда тахминан 110 доллардан 95 долларгача тушди. Умуман олганда, хом нефть нархи 14 фоизга арзонлаган.

Шу билан бирга, нефть маҳсулотлари ҳам арзонлади:

• мазут нархи 17 фоизга тушди;
• бензин қарийб 10 фоизга арзонлади.

Экспертлар бу ҳолатни Ҳўрмуз бўғозининг очилиши бўйича кутилмалар билан боғламоқда. Ушбу стратегик йўлак орқали дунё нефтининг катта қисми ташилади.

Эслатиб ўтамиз, аввалроқ АҚШ президенти Дональд Трамп Эрон ҳужумларни тўхтатса, зарбаларни вақтинча тўхтатишга тайёрлигини билдирган. Эрон ташқи ишлар вазири Аббос Ароқчи ҳам шунга ўхшаш баёнот бериб, икки ҳафта ичида кема ҳаракати тикланиши мумкинлигини айтганди.

Айни пайтда, Исроил ҳам эҳтимолий сулҳни қўллаб-қувватлаётгани хабар қилинмоқда.

Мутахассислар фикрича, агар Ҳўрмуз бўғози очилса, нефть бозоридаги босим янада камайиши мумкин.