Биргина сабаб Исландияни НАТОда қолдириш учун етарли бўлди
Йенс Столтенберг ва Исландия бош вазири Катрин Якобсдоттир. 2022 йил.
АҚШ президенти Доналд Трамп фақат биргина сабаб билан Исландияни НАТОда қолдиришга рози бўлган, деб хабар берди The Guardian.
НАТО собиқ бош котиби Йенс Столтенберг ўз китобида ёзишича, Исландия Россия сув ости кемаларини кузатиш имкониятини сақлаб қолиш учун ташкилотда қолдирилган.
Столтенбергнинг ёзишича, Исландиянинг НАТОга аъзолиги масаласи савол остида турган. Алянсга аъзо беш мамлакатгина мудофаа учун ЯИМнинг 2 фоизидан кўпроқ маблағ сарфлаётгани Трампнинг жаҳлини чиқарган. Исландиянинг эса ҳатто ўз қуролли кучлари ҳам йўқ.
2017–2019 йилларда АҚШ мудофаа вазири лавозимида ишлаган Жим Мэттис Трампни Исландиядаги НАТО базаларини сақлаб қолишга кўндирган, у базалар Россиянинг сув ости кемаларини кузатиш учун зарурлигини айтган.
Шу омил Трампни Исландия НАТО учун муҳим эканига ишонтирган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter