NASA Ойга учирган космик кема ҳожатхонасида носозлик чиққан
Кеча, 1 апрел куни Ойга парвоз қилган Orion космик кемасида техник муаммо юзага келган.
NASA агентлигининг хабар қилишича, парвоз давомида экипаж кема ҳожатхонаси тизимида носозлик аниқланганини маълум қилган. Мутахассислар ҳолатни тезкор таҳлил қилиб, экипаж билан биргаликда муаммони ҳал қилди ва тизим одатий ишлаш ҳолатига қайтарилган.
«Шу билан бирга, 1 апрель куни режалаштирилган орбита параметрларини ўзгартириш манёври олдидан кемада сигнал чироғи ёниб, яна бир техник огоҳлантириш қайд этилди. Назорат маркази маълумотларни ўрганиб чиқиб, экипажга аниқ кўрсатмалар берди ва ушбу муаммо ҳам бартараф этилди», – дейилади Агентлик хабарида.
Ҳозирда экипаж режа асосида дам олиш режимига ўтган. Астронавтлар тўрт соатлик уйқудан сўнг 2 апрель куни эрталаб уйғотилиб, кейинги муҳим босқичга тайёрланади.
«Миссия режа асосида давом этмоқда ва барча тизимлар назорат остида ишламоқда», – дейилади хабарда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter