АҚШ Россия нефтига нисбатан имтиёзли режимни бекор қилди
АҚШ маъмурияти Россия нефтига нисбатан жорий этилган вақтинчалик санкция енгилликларини узайтирмасликка қарор қилди.
Маълумотларга кўра, мазкур имтиёзлар 2026 йил 12 мартгача юкланган нефть ва нефт маҳсулотларини қонуний сотиш имконини берган эди. Ушбу тартиб 11 апрель куни ўз кучини йўқотди.
Мазкур енгилликлар Яқин Шарқдаги кескин вазият фонида жорий этилган эди. Хусусан, Эрон томонидан Ҳўрмуз бўғозида ҳаракат чекланиши натижасида жаҳон бозорида нефть таклифи қисқариб, нархлар 100 доллардан ошган.
Шу шароитда АҚШ глобал бозорда нефть таклифини сақлаб қолиш мақсадида Россия ва Эрон нефтига нисбатан санкция режимини вақтинча юмшатган эди.
Бироқ эндиликда Вашингтон бу сиёсатдан воз кечди. Шу билан бирга, Эрон нефтига берилган қисқа муддатли рухсатнома ҳам 19 апрель куни якунланиши кутилмоқда ва уни узайтириш режалаштирилмаяпти.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter