Украина президенти Владимир Зеленский 26 декабрь куни Axios'га берган интервьюсида АҚШ Украинага 15 йиллик хавфсизлик кафолатлари таклиф қилганини маълум қилди. Президентнинг таъкидлашича, бу вақт давомида АҚШ ва Украина ўртасида хавфсизликнинг мустаҳкамланиши мумкин, аммо Украина учун 15 йиллик кафолатлар етарли эмас.

«Менимча, бизга 15 йилдан кўпроқ керак», – деди Зеленский.

Унинг сўзларига кўра, ушбу масалани бщйича АҚШ президенти Дональд Трамп билан 28 декабрь куни бўлиб ўтадиган учрашувда муваффақиятли келишувга эришишга умид қилинади. Агар шунингдек, Трамп Украинага кўпроқ кафолатлар берса, бу «катта муваффақият» бўлар эди.

Зеленский, шунингдек, АҚШ ва Украина парламентлари тарафидан ушбу кафолатлар ратификация қилиниши кераклигини таъкидлади.

Зеленский Украина учун янада фойдалироқ шартномаларни муҳокама қилишни истайди. Унинг айтишича, АҚШ тинчлик режасида Украинадан муайян ҳудудлар талаб қилиняпти. Бу масала борасида Зеленский «ўткир» қарорлар қабул қилишга тайёр.

Агар тинчлик режаси ўта мураккаб бўлса, Зеленский Украинада 20 пунктдан иборат янги келишувни референдумга қўйишни таклиф этяпти.

Зеленскийнинг фикрича, референдум ўтказиш учун, камида 60 кунлик тўлиқ оташкесим режими талаб қилинади. У референдумда одамлар овоз бериш учун эркин кўчага чиқиш имкониятига эга бўлиши кераклигини айтган.

Axios маълумотларига кўра, Россия Украинада референдум ўтказиш учун тўлиқ тўсқинлик қилмаётгани ҳақида гапирмоқда. Бироқ Москва референдум учун муддатни 60 кун эмас, балки камроқ муддатни таклиф қиляпти.

Эслатиб ўтамиз, Зеленский ва Трамп ўртасидаги учрашув 28 декабрь куни Флоридада бўлиб ўтади. Шунингдек, 27 декабрь куни Трамп, Зеленский ва бир қатор европалик лидерлар онлайн шаклда тинчликни таъминлаш борасидаги учрашувни ташкил этишади.