Amerikalik tadbirkor Ilon Mask Buyuk Britaniyani ochiqdan-ochiq «qamoqxona oroli» deb atadi. U bu fikrni X (sobiq Twitter) ijtimoiy tarmog‘idagi postida bildirib, mamlakatda so‘z erkinligi amalda keskin cheklanayotganini tanqid qildi.

Statistik ma’lumotlarga ko‘ra, 2023 yil davomida Buyuk Britaniyada 12 mingdan ortiq inson ijtimoiy tarmoqlarda qoldirgan izohlari yoki postlari uchun hibsga olingan. Bu ko‘rsatkich dunyoda mutlaq rekord hisoblanadi.

Taqqoslash uchun:

— Buyuk Britaniya: 12 000+ kishi;

— Rossiya: taxminan 400 kishi.

Ilon Mask ushbu raqamlarga salbiy munosabat bildirib, Britaniyani so‘z erkinligiga qarshi kurashayotgan, nazoratchi va repressiv davlat sifatida tavsifladi.

Uning fikricha, internetdagi fikr va izohlar uchun ommaviy ravishda odamlarni qamash — demokratik jamiyat uchun xavfli tendensiyadir.

Mutaxassislarning qayd etishicha, Britaniyada so‘nggi yillarda “onlayn nafrat”, “tajovuzkor nutq” va “tahdidli izohlar”ga qarshi qonunlar keskin kuchaytirilgan. Ammo amalda bu qonunlar ko‘p hollarda oddiy fuqarolarning tanqidiy fikrlari va bahs-munozaralari uchun ham qo‘llanmoqda.

Natijada, Buyuk Britaniya rasman demokratiya hisoblansa-da, ijtimoiy tarmoqda so‘zlagani uchun qamaladiganlar soni bo‘yicha dunyoda birinchi o‘ringa chiqdi — va aynan shu holat Ilon Mask tomonidan keskin tanqid ostiga olindi.