Qo‘pol kishi, qari qiz va o‘zidan ortmagan o‘g‘il
Yomon odam
U juda yomon odam. Qo‘pol, qo‘rs, odamovi, mas’uliyatsiz...
Uni o‘zi hayotini asrab qolgan yuzga yaqin bemoridan boshqa hech kim yaxshi ko‘rmasa kerak!
Qari qiz
– Oq otli shahzodangni kutyapsanmi haliyam?..
– ...
– Balki, shu safar rozi bo‘larsan?
– ...
– E-e, o‘zing bilasan... Senga gapirdim nima-yu, gapirmadim nima, men ketdim.
Eshik yopildi.
– Oyi, xolam ketdi. Ko‘chaga chiqishni xohlaysizmi? – qiz keks0a onasiga termildi.
– ...
– Ha, tushundim. Hozir aravachangizni olib kelaman.
Hurmat
– Xotin. Umar qo‘ng‘iroq qildi. Bu oy pul jo‘natmas ekan.
– O‘zi shu Umaringizni topgani o‘zidan ortmaydi.
Ikki oydan so‘ng.
– Umarjondan ayrilib qoldik, onasi. Bolam bechora ikki oydan beri shifoxonada ekan. Bu qanday ko‘rgilik? Umarjon bolam...
– Voy, bolam... Bolamni topib bering, Umarjonimni topib bering!
Shohruh Najot
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter